20-07-2015
Հրավեր
Հարգելի գործընկեր,
«Հասարակական հետազոտությունների առաջատար խումբ» ՀԿ-ն սիրով հրավիրում է Ձեզ, լրատվամիջոցում /լրատվական կազմակերպությունում աշխատող լրագրողի (գերադասելի է, որ Դուք լինեք սկսնակ և հետաքրքրված լինեք մասնագիտանալու աշխատանքային և/կամ սոցիալական խնդիրների լուսաբանման հարցերում) մասնակցելու «Աշխատանքային իրավունքի լուսաբանումը ԶԼՄ-ներում» թեմայով արտագնա դասiընթացների: Դասընթացները կիրականացվեն երկու անգամ` երեքական օրով:
Դասընթացների նպատակն է զարգացնել աշխատանքային իրավունքի խնդիրներով (ինչպես նաև արհմիություններով) հետաքրքրված սկսնակ լրագրողների կարողությունները աշխատանքային իրավունքների պաշտպանության հարցում: Ծրագիրն իրականացվում է Ֆրիդրիխ Էբերտի հիմնադրամի Երևանյան գրասենյակի հետ համագործակցությամբ:
Դասընթացները կվարեն Սուրե Դեհերյանը, Հերիքնազ Տիգրանյանը և Նարեկ Ներսիսյանը:
Առաջին դասընթացը տեղի կունենա 2015 թ. հուլիսի 31-ից օգոստոսի-2-ը: Երկրորդ դասընթացը նախատեսվում է իրականացնել սույն տարվա աշնանը:
Դասընթացի մասնակիցների համար կապահովվի տրանսպորտային փոխադրում Երևանից Աղվերան և դեպի Երևան, ինչպես նաև գիշերակացը և սնունդը:
Յուրաքանչյուր լրատվամիջոցից/լրատվական կազմակերպությունից դասընթացին կարող է մասնակցել միայն մեկ ներկայացուցիչ: Դիմորդը պետք է պատրաստ լինի մասնակցել երկու դասընթացներին:
Դասընթացներին մասնակցելու համար խնդրում ենք ուղարկել Ձեր կենսագրությունը(CV) և կոնտակտային տվյալները
Հայտերի ներկայացման վերջնական ժամկետն է՝ 2015 թ. Հուլիսի 27-ը:
