17-02-2022

Փետրվարի 17, 2022 թ․, Երեւան։ Այսօր «Հասարակական հետազոտությունների առաջատար խումբ» (APR Group) ՀԿ-ն հրապարակել է ՀՀ-ում բնակչության աշխատանքային իրավունքների պաշտպանվածության ընդհանուր վիճակի ելակետային ուսումնասիրության զեկույցը: Ուսումնասիրությունն իրականացվել է ԵՄ կողմից ֆինանսավորվող «Արժանապատիվ աշխատանք հիմա» ծրագրի շրջանակներում:

29-12-2021

2021թ-ի հոկտեմբերին Հայաստանի Հանրապետության ամբողջ տարածքով (Երևան քաղաքում և բոլոր մարզերում) Հելսինկյան Քաղաքացիական Ասամբլեայի Վանաձորի գրասենյակի կողմից «Հասարակական հետազոտությունների առաջատար խումբ» հասարակական կազմակերպության (APR Group) ներգրավմամբ իրականացվել է սոցիոլոգիական հետազոտություն, որի խնդիրներից մեկը հանդիսացել է պարզել հասարակության դիրքորոշումները միջազգային կառույցներին՝ Եվրոպական կառույցների (Եվրամիությանը) և Եվրասիական տնտեսական միության (ԵԱՏՄ) հանդեպ, այլ կերպ՝ ՀՀ բնակչության նախապատվությունները դեպի Հյուսիս կամ Արևմուտք Հայաստանի Հանրապետության կողմնորոշման վերաբերյալ:

18-06-2021

2021թ-ի հունիսի 16-18-ն ընկած ժամանակահատվածում «Հասարակական հետազոտությունների առաջատար խումբ» ՀԿ-ն իր նախաձեռնությամբ իրականացրել է հանրային կարծիքի ուսումնասիրություն քվեարկության նախապատվությունների վերաբերյալ։ Հարցումն իրականացվել է հեռախոսային հարցումների միջոցով Հայսատանի Հանրապետության ամբողջ տարածքում, որին մասնակցել է 1067 մարդ: Իրականացված հարցումների թիվը թույլ է տալիս տվյալները 95% հավանականությամբ ±3% սխալի մեծությամբ համարել ներկայացուցչական:

Արդյունքները այստեղ:

«Հասարակական հետազոտությունների առաջատար խումբ» ՀԿ-ն 2021թ-ի մայիս-հոկտեմբեր ամիսներին իրականացնում է «Հայաստանի բնակչության շրջանում անպտղության տարածվածության վերաբերյալ տնային տնտեսությունների ընտրանքային հարցումների իրականացում» ծրագիրը: Ծրագիրը ֆինանսավորվում է ՄԱԿ-ի Բնակչության հիմնադրամի կողմից:

Ծրագրի նպատակն է պարզել Հայաստանի բնակչության շրջանում անպտղության տարածվածության վիճակը: