Ողջույն: Շնորհակալություն եմ հայտնում Ձեզ` մեր կայքի հանդեպ ցուցաբերած հետաքրքրության համար: Հուսով եմ, որ ներկայացված տեղեկատվությունը Ձեզ համար օգտակար կլինի:
Համառոտ անդրադառնամ APR Group-ի պատմությանը 2002թ-ից APR Group-ն («Հասարակական հետազոտությունների առաջատար խումբ» ՀԿ) սկսել է իր գործունեությունը որպես քաղաքագետների, սոցիոլոգների, հոգեբանների և իրավաբանների միություն: Սկզբնական շրջանում կազմակերպության գործունեության հիմնական ոլորտներն էին հանդիսանում PR խորհրդատվությունն ու քաղաքական ուսումնասիրությունները:
Իր գոյության ընթացքում կազմակերպությունը համալրվել է որակավորված մասնագիտական անձնակազմով: Ներկայումս APR Group-ում աշխատում են բարձր որակավորում ունեցող մասնագետներ տարբեր ոլորտներից` սոցիոլոգներ, քաղաքագետներ, իրավաբաններ, տնտեսագետներ, հոգեբաններ, վերլուծաբաններ:
Մեր գործունեությունը հիմնվում է հետևյալ սկզբունքների վրա`
ուսումնասիրության և վերլուծության գործընթացում օբյեկտիվություն, անկողմնակալություն և չեզոքություն,
ինչպես ավանդական, այնպես էլ նորարարական հետազոտական և վերլուծական մեթոդների կիրառություն,
գաղտնիություն /կոնֆիդենցիալություն,
ստեղծագործական մոտեցում,
օպերատիվություն:
Մեր գործունեության առանձնահատկությունը կայանում է նաև գիտական հետազոտությունների և տեխնոլոգիաների ինտեգրման մեջ:
APR Group-ն ապահովում է հետազոտությունների անցկացման աշխատանքների ամբողջական տեխնոլոգիական ընթացք` հետազոտության ծրագրի մշակումից մինչև վերլուծական հաշվետվությունների ներկայացում, ինչպես նաև անցկացնում է հետազոտական գործընթացի առանձին փուլերի, օրինակ` հետազոտության ծրագրի մշակում, ընտրանքի կառուցում, հետազոտական գործիքների մշակում, տեղեկատվության հավաքագրում, տվյալների մշակում, վերլուծություն և այլն:
Հավելյալ տեղեկությունների անհրաժեշտության դեպքում, խնդրում եմ, մի´ կաշկանդվեք դիմելու ինձ` Հետադարձ կապ-ի միջոցով:
